د اطلاعاتو او کلتور وزارت د خپرونو چارو مرستیال مولوي حیات الله مهاجر فراهي په مشرۍ د کتاب ارزونې کمېسيون نوبتي غونډه کړې.
یاده غونډه کې د خپرونو چارو مرستیال مولوي حیات الله مهاجر فراهي، د باختر خبري ااژانس رييس مولوي ضیاءالحق حقمل، د کاپي رايټ امر مولوي عبدالحق حماد او د یاد کمېسيون نورو غړو ګډون کړی وو.
د غونډې په پيل کې د دې کمېسيون منشي د تېرې غونډې په اړه جوړ شوی راپور له ګډونوالو سره شريک کړ.
ورپسې مهاجر فراهي د یاد کمېسیون د لاسته راوړنو او فعاليتونو په اړه خبرې کړي او د کمېسيون فعاليتونه يې مثبت ارزيابي کړي دي.
د غونډې په ترڅ کې د کمېسيون غړو د ورسپارل شويو کتابونو په اړه خپل راپورونه وړاندې کړي، چې په اړه يې لازمې پرېکړې شوې دي او د کمېسيون په غړو هغه کتابونه وېشل شوي، چې دې کمېسيون ته د ارزيابۍ په موخه وړاندې شوي وو، تر څو راتلونکې غونډې ته يې راپور وړاندې کړي.
په پای کې د کمېسيون منشي د راتلونکي غونډې په اړه توضيحات ورکړي دي.