د افغانستان اسلامي امارت رییس الوزراء الحاج ملا محمد حسن اخوند د ۱۴۰۴ لمریز کال د پسرلي په مناسبت د ارګ ګلخانې ماڼۍ په چمن کې یو نیالګی کېناوه.
په دې مراسمو کې پر رییس الوزرا سربېره د ریاست الوزرا مقام د دفتر عمومي رییس ډاکټر ملا عبدالواسع، د ریاست الوزرا د دفتر عمومي ریاست د منابعو او ادارې مرستیال مفتي سید احمد مستقیم، د ریاست الوزرا د دفتر عمومي ریاست د عامه او ستراتېژیکو اړیکو مرستیال قاري عبدالستار سعید او د اسلامي امارت یو شمېر نورو مسولینو هم ګډون کړی وو.
یاد مراسم د ارګ جامع جومات د خطیب قاري محمد حنیف له لوري هېوادوالو ته د خیر او فلاح او د هېواد د هوساینې او زرغونتیا لپاره په دعا پای ته ورسېدل.