د بهرنيو چارو وزير مولوي اميرخان متقي د ایران د بهرنيو چارو وزير سلاکار ښاغلي محمد رضا بهرامي او په کابل کې د یاد هېواد له سفیر علیرضا بیکدلي سره وکتل.
د بهرنیو چارو وزارت د عامه اړیکو رییس حافظ ضیاء احمد تکل وايي، چې دې کتنه کې د دوه اړخیزو اړيکو په نوي پړاو، وروستيو پرمختګونو، د اوبو سربېره ايران کې د مېشتو افغان کډوالو د وضعيت په تړاو خبرې شوې.
د ښاغلي تکل په وینا؛ دې کتنه کې ښاغلي بهرامي کابل ته د ايران د بهرنيو چارو د وزير له سفر وروسته د دوو اړخيزو اړيکو د نوي پړاو یادونه کړې او ټینګار یې کړی چې دواړه لوري باید دا اړیکې ښې مدیریت کړي.