په کابل کې د ایران مرستیال سفیر غلام رضا نجاري ملي تلویزیون ته ویلي، چې په ۱۴۰۳ کې د افغانستان او ایران ترمنځ سوداګریزه راکړه ورکړه د پخوا په پرتله د پام وړ زیاته شوې ده.
نوموړي زیاته کړې، چمتو یو چې د افغانستان د اقتصادي او سوداګریز سکټور د استازو لپاره ایران ته سفر تنظیم کړو، ترڅو د دواړو هېوادونو تر منځ سوداګریزې اړیکې لا پراختیا ومومي.
هممهاله د کرنې وزارت مرستیال مولوي صدراعظم عثماني د ایران له سفیر سره لیدنه کړې او د کرنې او مالدارۍ د پراختیا په برخه کې یې د ګډې همکارۍ او ګډو پروګرامونو د پلي کولو د دوام په اړه خبرې کړې دي.
له بل لوري د صنعت او سوداګرۍ وزارت وايي، چې د ۱۴۰۳ کال په اوږدو کې د دواړو هېوادونو ترمنځ د څه باندې درې میلیارده ډالرو په ارزښت سوداګریزه راکړه ورکړه شوې ده.