د راپورونو له مخې د هند او پاکستان د سرحدي ځواکونو تر منځ نښته دویمې ورځې ته غځېدلې.
دا نښته پرون (جمعه د ثور ۵مه) پیل شوې او لا هم دوام لري.
د هند اردو اعلان کړی، چې تر اوسه یې ځواکونو ته مرګ ژوبله نه ده اوښتې او د پاکستان له لوري هم د تلفاتو راپور نه دی ورکړل شوی.
د هند او پاکستان تر منځ اړیکې وروسته له هغه ترینګلې شوې، چې په کشمیر کې پر سیلانیانو وسلهوال برید وشو او ۲۶ کسان پکې ووژل شول.
له دې برید وروسته هند د پاکستان پر وړاندې ګڼ اقدامات اعلان کړل. په دې اقداماتو کې د سند د اوبو شریکولو د تړون ځنډول هم شامل وو.
د دواړو هېوادونو د کړکېچ پر دوام د هند د اوبو سرچینو وزیر سيار پټېل ویلي، چې حکومت یې په یوه تګلاره کار کوي، تر څو یقیني کړي چې پاکستان ته یو څاڅکی اوبه هم ولاړې نهشي.