د ماشومانو د ساتنې نړیوال سازمان (سِو ده چېلډرن) ویلي، چې په غزه تړانګه کې د اسرائیلي یرغلګرو د نږدې دوه کلنې جګړې پر مهال له ۲۰ زره زیات فلسطیني ماشومان شهیدان شوي دي.
یاد سازمان زیاته کړې، چې د دې شمېرو پر بنسټ په منځنۍ کچه هر ساعت په غزه کې یو فلسطینی ماشوم شهید شوی دی.
دې سازمان خبرداری ورکړی، چې که نړیواله ټولنه د جګړې د پای ته رسولو په موخه اقدام ونه کړي، په غزه کې به د ماشومانو ټول نسل لهمنځه ولاړ شي.
د ماشومانو د ساتنې نړیوال سازمان یو ځل بیا پر اوربند او بشري مرستو ته په سملاسي لاسرسي ټینګار کړی دی.