د افغانستان اسلامي امارت د بهرنیو چارو وزارت د یوې اعلامیې په خپرولو سره د اسرائيلي رژیم له لوري له سوماليا فدرالي جمهوريت څخه د «سومالیا لېنډ» نومې سیمې د خپلواک دولت په توګه په رسمیت پېژندل په کلکو ټکو غندي.
د یاد وزارت په وینا، دغه اقدام د يوه اسلامي هېواد د وېشلو هڅه ده، د نړیوالو قوانينو او د سومالیا د اسلامي هېواد د حاکمیت او ځمکنۍ بشپړتیا ښکاره نقض دی، چې د سيمې د سولې او ثبات لپاره منفي پايلې لري.
یاد وزارت زیاته کړې، دغه دول اقدامات هېڅ ډول مشروعيت او قانوني حيثيت نه لري.
د یادونې وړ ده، چې سومالیا لېنډ ۱۹۹۱ کال کې په یو اړخیز ډول د خپلواکۍ اعلان وکړ؛ مګر تراوسه د نړیوالې ټولنې له لوري د یوه خپلواک هېواد په توګه په رسمیت نه دی پېژندل شوی.