د صنعت او سوداګرۍ وزیر نورالدین عزیزي د سکتوري خونو له غړو او د کابل ښار د اصنافو له بېلابېلو مسولینو سره د بازار د وضعیت، د بیو کنټرول او احتکار مخنیوي په اړه خبرې کړې دي.
په دې لیدنه کې ښاغلي عزیزي د احتکار مخنیوي، د بازارونو ثبات، د بیو کنټرول او د اسلامي امارت او سوداګرو ترمنځ د دوامداره همغږۍ پر زیاتوالي ټینګار کړی او په دې اړه یې د عالیقدر امیرالمؤمنین حفظهالله سپارښتنې شریکې کړې دي.