د ارشاد، حج او اوقافو وزارت اعلان کړی، چې د ۱۴۰۵ لمریز کال د حج لپاره د نوملیکنې بهیر راتلونکې چهارشنبه د روان ۱۴۰۴ کال د مرغومي په ۲۴مه به پیل او د سلواغې میاشتې تر څلورمې به دوام ولري.
یاد وزارت له حج کوونکو غوښتي، چې کابل کې د حاجیانو مجتمع او په ولایتونو کې د ارشاد، حج او اوقافو ریاستونو ته مراجعه وکړي.
د یاد وزارت د مسولينو په خبره؛ هغه کسان، چې یو ځل يې فرضي حج ادا کړی وي، سږ کال د نفلي حج ادا کولو په موخه د نوم لیکنې اجازه نه لري؛ نو په همدې اساس يې له دوی غوښتې، چې بيا دې نومليکنه نه کوي.