د متحده عربي اماراتو د لومړي وزیر مرستیال او د بهرنیو چارو وزیر عبدالله بن زاید ال نهیان د ایران د بهرنیو چارو له وزیر سید عباس عراقچي سره په یوه ټلیفوني اړیکه کې د سیمې او نړۍ د بدلونونو او دوه اړخیزو اړیکو په تړاو خبرې کړي.
د ایران د بهرنیو چارو وزیر د امریکایي چارواکو وروستۍ څرګندونې د ایران په کورنیو چارو کې ښکاره لاسوهنه بللې او د هر ډول بهرنۍ لاسوهنې په وړاندې یې د ایران د ملي حاکمیت او امنیت د دفاع پر اړتیا ټینګار کړی.
ورته مهال، د متحده عربي اماراتو د بهرنیو چارو وزیر د سیمې د ثبات او امنیت د پیاوړتیا لپاره د ایران، متحده عربي اماراتو او د سیمې هیوادونو ترمنځ د دوامداره مشورو پر اهمیت ټینګار کړی دی.