د اروپا پارلمان د امریکا ولسمشر ډونالډ ټرمپ له لوري د ګرینلنډ د لاسته راوړلو تهدیدونو په غبرګون کې، د اروپايي ټولنې او متحده ایالاتو ترمنځ د سوداګریز تړون د ځنډولو په اړه خبرې کوي.
رویټرز خبري اژانس راپور ورکړی، چې د اروپا پارلمان د هغو قانوني وړاندیزونو په اړه خبرې کوي چې د اروپا ټولنې له لوري د امریکايي توکو پر واردولو زیات شمېر تعرفې له منځه یوسي، هغه څه چې له امریکا سره د سوداګریز تړون اصلي برخه ده.
د راپور پر اساس، ټاکل شوې وه چې د اروپا پارلمان خپل دریځ د روان زېږدیز کال ۲۶ او ۲۷مو ورځو کې د رایې اخیستنې له مخې معلوم کړي، خو استازو وویل چې دغه رایه اخیستنه باید د اوس لپاره وځنډېږي