د المپیک، بدني روزنې او ورزش عمومي رییس مولوي احمد الله وثیق اندونیزیا ته د خپل رسمي سفر په لړ کې د اندونیزیا د فوټسال کمېټې له رییس مکایل ویکټور سیانیپار سره لیدنه کړې.
په دې لیدنه کې د دواړو هېوادونو د فوټسال کمېټو د اړیکو پر پراختیا او د فوټسال په لیګونو کې د افغان لوبغاړو پر لوبېدو خبرې شوې دي.
همداراز په دغه دوه اړخیزه ناسته کې له اندونزیا لوري څخه غوښتنه شوې، چې په دغه هېواد کې افغان محصلینو ته هم د فوټسال زمینه برابره شي.
په پای کې هوکړه شوې، چې د دواړو هېوادونو د فوټسال کمېټو ترمنځ د همکارۍ هوکړهلیک لاسلیک شي، تر څو د دواړو لورو ترمنځ اړیکې لا پیاوړې او دوامدارې شي.