د عامې روغتیا وزارت د درملو او روغتیايي محصولاتو د تنظیم لوی رییس حافظ ډاکټر نعیمالله ایوبي، له مل تخنیکي پلاوي سره ترکیې ته په رسمي سفر روان شو.
د عامې روغتیا وزارت وایي، چې یاد پلاوی به د سفر په ترڅ کې د ترکیې د درملو ادارې له مسولینو سره لیدنې ترڅنګ د درملو او روغتیايي محصولاتو د تنظیم په تړاو به پر یو شمېر مهمو موضوعاتو خبرې وکړي.
یاد وزارت زیاته کړې، چې ددغه پلاوی به د ترکیې د درملو د تولید له یو شمېر کارخونو لیدنه وکړي او هڅه به وشي، چې د دواړو هېوادونو ترمنځ د درملو د تولید او وارداتو په برخه کې لا ښه همغږي رامنځته شي، تر څو په لنډمهاله او اوږدمهاله توګه د هېواد اوسېدونکو ته د لوړ کیفیت او مناسب قیمت درمل برابر شي.