د افغانستان اسلامي امارت لوی سفارت کلتوري اتشې ښاغلي فضل الهادي حمزه مسکو کې د خلکو د دوستۍ (RUDN) په پوهنتون کې د ټولو بیرغونو په نوم جوړ شوي علمي پروګرام کې ګډون وکړ.
په ياد پروګرام کې د آسیايي، افریقايي او د روسيې د مشترکو ګټو هېوادونو د سفیرانو او ډیپلوماتانو سربېره د بېلابېلو پوهنتونونو استازو هم ګډون کړی و.
د ياد پوهنتون ریيس د علم په ډګر کې د تېرو لاسته راوړنو او راتلونکو نوښتونو په اړه هراړخیزې خبرې وکړې او زیاته یې کړه، چې په روسیه کې د بهرنیو ډيپلوماټانو لپاره يې هم ځانګړي زده کړیيز پروګرامونه په پام کې نیولي دي.
د پروګرام په لړ کې ښاغلي فضل الهادي حمزه د ياد پوهنتون له مسولينو سره د افغان زده کړيالانو په اړه هراړخیزې خبرې وکړې او د یاد پوهنتون له مسولینو څخه یې وغوښتل، چې د افغان زده کړیالانو لپاره غوره زده کړیيز چاپېريال په پام کې ونیول ونیسي.