په دغه لیدنه کې د تشریفاتو همکار احمدرضا، د بلوچستان ایالت له هوم سکټري صالح محمد ناصر او مرستیال عبدالسلام اچکزي هم ګډون درلود.
لیدنه کې د افغان کډوالو په بېلابېلو ستونزو او په ځانګړي ډول په تېرو څو ورځو کې د افغان کډوالو نیول او ځورول د بحث عمده ټکي وو.
سرپرست جنرال قونسل مولوی ګل حسن د افغان بندیانو د هوساینې او ارزونې لپاره د دې ایالت مختلفو جیلونو ته د قونسلګرۍ د دوو غړو د پیژندنې غوښتنه کړې، ترڅو یاد دوه تنه کارکوونکي د بندیانو لیست او د هغوي د جرم ډول له ځان سره ولري، ترڅو هغه افغان کډوال چې بې له جرمه نیول شوي له بنده خوشی شي.
ناسته کې د یو ګډ سرحدي کمیسیون جوړیدو غوښتنه شوې، چې په جوړیدو سره به یې د سوداګريزو او نورو اړونده مسايلو ثبات، ستونزو حل او د خلګو بې ځایه ځورول ختم شي.
په دې ترڅ کې د افغان بندیانو د حقوقو او ښه چلند د تامین په اهمیت ټینګار شوی او ژمنه یې کړې؛ چی په خپل ټول توان سره به
کوښښ وکړي، ترڅو د افغان بندیانو د نوملړ او وضعیت په اړه منظم معلومات شریک کړي.