د کلیو د بیارغونې او پراختیا وزارت له لوري د بامیانو ولایت په شپږو ولسوالیو کې د شاوخوا (۴۰) میلیونه افغانیو په لګښت د څښاک پاکو اوبو رسولو (۱۷) شبکو د جوړولو چارې بشپړې او د یوې غونډې په ترڅ کې د دغه وزارت د وزیر ملا محمد یونس اخوندزاده او مل پلاوي له خوا ګټې اخیستنې ته وسپارل شوې.
په دې غونډه کې د کلیو د بیارغونې او پراختیاړ وزیر، مل پلاوي، د بامیانو ولایت والي مولوي عبدالله سرحدي، د ياد ولايت د کلیو د بیارغونې ریيس مولوي وحيدالله راشد، یو شمېر نورو مسولینو، علماء کرامو، سپین ږیرو او ځوانانو ګډون کړی وو.
د یادونې وړ ده، چې د یادو شبکو په بشپړېدو سره زرګونه کسان له پاکو اوبو برخمن شول.