په عمان کې د افغانستان سفیر حافظ عمر د دغه هېواد لپاره د روسیې له سفیر الیګ ولیمروویچ لیون سره د دوه اړخیزو اړیکو پر پیاوړتیا او مثبت تعامل خبرې کړي.
دې لیدنه کې حافظ عمر څرګنده کړې، چې اسلامي امارت له ټولو هېوادونو سره د متوازن او اقتصاد محوره سياست پر بنسټ د ښو اړيکو او رغنده تعاملاتو غوښتونکی دی.
همدا راز یاد هېواد کې د روسیې سفیر د افغانستان اقتصادي او امنیتي ثبات د ټولې سیمې په ګټه بللی او د ګډې همکارۍ ډاډ یې ورکړی دی.