د اقتصاد وزیر قاري دین محمد حنیف د «مرسي کرېپس» نړۍوالې بشرپالې موسسې له سیمهییز مسول سانا جانس او په افغانستان کې د دې ادارې له رییس ماریانا وانسهن سره لیدنه وکړه.
اقتصاد وزارت وایي، چې په دې لیدنه کې له سیمهییزو هېوادونو او نړیوالې ټولنې سره د افغانستان د اقتصادي اړیکو د پیاوړتیا، له اقلیمي او چاپېریالي بدلونونو سره د نړیوالو سازمانونو د مبارزې د رول او د کرنې او انرژۍ برخو د ملاتړ په اړه خبرې وشوې.
د دې وزارت په وینا، د یادې موسسې مسولینو راستنېدونکو ته د مرستو برابرولو، د اوبو رسولو، کرنې او انرژۍ، د چاپېریال ساتنې او د کوچنیو تشبثاتو د ملاتړ په برخه کې د همکارۍ ډاډ ورکړی دی.