د افغانستان برېښنا شرکت وایي، د دې شرکت د تخنیکي کارکوونکو دهڅو په پایله کې د ترکمنستان ـ هرات ۲۲۰ کیلوولټ لېږد مزی په موقت ډول بېرته ونښلول شو.
دغه شرکت زیاته کړې، چې د دې مزي اساسي ترمیم باندې کار روان دی چې له بشپړېدو وروسته به برېښنا په دایمي او باثباته ډول بېرته فعاله شي.
د یادونې وړ ده چې د واورې د زیات ورښت او کنګل له امله هرات ولایت ته د ترکمنستان د وارداتي برېښنا جریان پری شوی و.