د امریکا متحده ایالاتو استخبارتي ادارې ادعا کړې، چې شمالي کوریا په تېره یوه میاشت کې تر زرو کانتینرو ډېرې وسلې او پوځي مهمات د روسیې په اختیار کې ورکړي.
واشنګټن زیاته کړې، چې د شمالي کوریا له لوري دغه ګام روسیې ته د کېم جونګ اون د تېرې میاشتې تر سفر وروسته پورته شوی.
ادعا زیاتوي، چې روسیه دغه وسلې او مهمات د اوکراین پر وړاندې جګړه کې کاروي.
د واشنګټن د دغې ادعا په اړه شمالي کوریا او روسیې تر اوسه څه نه دي ویلي.
روسیې ته د شمالي کوریا د مشر کېم جونګ اون د وروستي سفر پر مهال واشنګټن ویلي و، چې نوموړی له ویلادیمیر پوتین سره په دغې برخه کې هوکړې ته رسېدلی دی.
شمالي کوریا روسیې سره پوځې مرسته کړې
