د عامې روغتیا، مهاجرینو او کلیو پراختیا وزارتونو مرستیالانو د ننګرهار د عامې روغتیا رییس او یو شمېر نورو مسولینو په ملتیا تورخم کې هېواد ته د بیرته راستنیدونکو کډوالو لپاره په بېلابېلو برخو او په ځانګړي ډول روغتیا برخه کې د اسانتیاوو رامنځته کولو په موخه سفر کړی.
د عامې روغتیا وزارت د پلان او پالیسۍ مرستیال ډاکټر حسن غیاثي، د مهاجرینو او کلیو پراختیا وزارتونو مرستیالانو د ننګرهار عامې روغتیا رییس ډاکټر محمد رحیم قلندري او اړونده ولایتي مسولینو په ملتیا تورخم ښارګوټي نه لېدنه کړې.
مسولینو تورخم کې د شته روغتیایي مرکزونو او موظفو صحي ټیمونو څخه له نژدې لیدنه وګړې او په یو شمېر برخو کې د نویو بدلونونو او چارو پراختیا سپارښتنه کړې.
یادو مسولینو ویلي، هڅه کوو چې هېواد ته راستنېدونکو کډوالو ته په ټولو برخو کې د پام وړ اسانتیاوې برابرې کړو.