د ریيس الوزراء ملا محمد حسن اخوند د مالیزیا لومړي وزير داتو محمد انور ابراهیم سره د ټلیفون له لارې د سیمهییزو انکشافاتو، په ځانګړي ډول د پاکستان او افغانستان پر وروستي وضعيت خبرې وکړې.
رییس الوزراء وویل، اسلامي امارت د تفاهم او ګډې همکارۍ له لارې د ستونزو پر حل باور لري او په اختر کې یې د قطر، سعودي او ترکیې هېوادونو په منځګړیتوب اوربند کې خپل حسننیت ثابت کړی.
نوموړي زیاته کړې چې تاوتریخوالی د هېڅ لوري په ګټه نه دی او د ستونزو د حل لپاره باید له حکمت او عقلانیت څخه کار واخیستل شي.
د مالیزیا لومړي وزیر هم د سیمې پر وضعیت اندېښنه څرګنده کړه او هيله يې وښوده چې د افغانستان او پاکستان ترمنځ د تاوتريخوالي لنډمهاله توقف دوام وکړي او شته ستونزې د تفاهم له لارې حل شي.