د امریکا په سپینه ماڼۍ کې د خبریالانو د مېلمستیا د مراسمو پر مهال د ډزو راپور ورکړل شوی، چې له امله یې ولسمشر ډونلډ ټرمپ د امنیتي ځواکونو لهخوا خوندي ځای ته انتقال شوی دی.
د امریکايي رسنیو د راپورونو له مخې، په دې پېښه کې ټرمپ، د هغه مرستیال او د کابینې نورو غړو ته زیان نه دی اوښتی.
دغهراز ټرمپ له پېښې وروسته ویلي، چې ژر به بېرته سپینې ماڼۍ ته ستون شي او د موضوع په اړه به معلومات شریک کړي.
نوموړي زیاته کړې، چې له دې پېښې مخکې د کوم مشخص امنیتي ګواښ په اړه خبرتیا نه وه ورکړل شوې.
د ټرمپ په وینا، د برید انګېزه تر اوسه نه ده روښانه، خو ګومان کېږي چې برید یو تن ترسره کړی دی.
راپورونه ښيي، چې په دې پېښه کې د امنیتي ځواکونو یو غړی هم ټپي شوی، خو د مرمۍ ضد واسکټ له امله یې ژوند خوندي پاتې دی.