رویټرز خبرې اژانس راپور ورکړی، چې د امریکا ولسمشر، ډونالډ ټرمپ او د چین ولسمشر، شي جین پینګ ترمنځ د سوداګریز اوربند سربېره داسې ښکاري چې بیجینګ د واشنګټن پر وړاندې د اقتصادي فشار اړوند ابزارو د قوي کولو په حال کې دی.
دا په داسې حال کې ده، چې ټرمپ د تېر کال په اکټوبر میاشت کې له شي جینپینګ سره خپله لیدنه ډېره بریالۍ بللې وه او ویلي یې و، چې د چین له لوري به محدودیتونه کم شي؛ خو بیجینګ د احتیاطي دریځ په ساتلو سره، د خپلو اقتصادي لارو چارو د پیاوړتیا لپاره نوي اقدامات پیل کړي دي.