د افغانستان کورني کرېکټ پرمختګ څانګې له لوري د زونونو په کچه یو ورځنیو سیالیو مهالوېش اعلان شو.
په دې سیالیو کې پینځه زونونه بند امیر، مس عینک، بست، امو او سپینغر ونډه لري، چې د ۱۷ ورځو په موده کې به په یو ورځني فارمټ کې خپلې سیالۍ نندارې ته وړاندې کړي.
د مهالوېش له مخې نهم پړاو لېسټاې سیالۍ د ننګرهار په غازي امان الله خان او نجیب الله تره کي کرېکټ لوبغالو کې ترسره کیږي، چې د روانې غويي/ثور میاشتې پر ۲۷مه نېټه به پیل او د غبرګولي/جوزا تر ۱۴مې به دوام وکړي.
دغه سترې سیالۍ د کرېکټ او لوبغاړو د ودې او پرمختګ په موخه ترسره کیږي.