د الجزیرې د راپور له مخې اسرائیلي پارلمان د رایو په اکثریت سره اسرائیلو کې د بهرنیو رسنیو د فعالیت بندولو قانون تصویب کړ.
د دې قانون پر اساس؛ د هغو رسنیو فعالیت بندېږي، چې د دوی په اصطلاح اسرائیلي امنیت ته ګواښ پېښوي.
د یاد قانون له تصویب وروسته د اسرائیلو لومړي وزیر بنیامین نتانیاهو خبرداری ورکړی، چې د الجزیرې فعالیتونه به ژر تر ژره بند کړي.
د راپورونو پر اساس؛ یاد بندیز ښايي ۴۵ ورځې د جولای تر میاشتې دوام وکړي، چې بیا نوی کېدای هم شي.
اسرائیلو رژیم غزه تړانګه کې د ګڼو بشري جنایتونو تر څنګ د غزې د الجزیرې څانګې د مشر وائل الدحدوح زوی حمزه الدحدوح په ګډون په قصدي ډول ډېری خبریالان وژلي، تر څو جنایات یې پټ پاتې شي.
امریکا د صهونیستي رژیم په یاد اقدام اندېښنه ښودلې ده.
د یادونې وړ ده، چې اسرائیلي رژیم له دې وړاندې د لبنان “المیادین” چینل پر فعالیت هم بندیز لګولی و.