ټاکل شوې، چې نن (پنجشنبه، د قوس۱۵مه) د افغانستان بزکشۍ لیګ شپږم پړاو سیالۍ پیل شي.
دا سیالۍ د یما پترول په مالي ملاتړ ترسره کېږي.
د وزلوبې لیګ شپږم پړاو سیالۍ له ملي سپورټ او ټولنیزو رسنیو څخه په ژوندۍ بڼه خپرېږې.
د دې لیګ د پچهچونې مراسم پرون (چهارشنبه، د قوس ۱۴مه) په ملي تلویزیون کې ترسره شول.
په دې لوبو کې بدخشان، سمنګان، سرپل او یما پترول لوبډلې د سرګروپ دنده لري.
د وزلوبې شپږم پړاو سیالیو کې به ۱۲ لوبډلې یو د بل پر وړاندې ولوبېږي، چې ۱۰ ورځې به دوام وکړي.
په دې سیالیو کې د لومړي ځل لپاره د قرغیزستان، قزاقستان او تاجکستان هېوادونو لوبغاړي هم ګډون لري.
د یادو سیالیو د پچهاچونې په مراسمو کې د افغانستان ملي راډیو تلویزیون لوی رییس قاري محمد یوسف احمدي د دې او نورو لوبو د خپرواي ډاډ ورکړی او له لوبغاړو یې غوښتي، چې ځوانان سالمو موخو او لوبو ته وهڅوي.