ملي دفاع وزارت وايي؛ د دې وزارت اړوند د ٢٢١ شهید افتاب فرقې له ښونیز مرکز څخه ۳۵۰ تنه ځوان منسوبین له درې میاشتینيو نظامي او مسلکي زده کړو څخه وروسته د یو لړ مراسمو په ترڅ کې فارغ شول.
په دې اړه جوړو شویو مراسمو کې د جګړه ایزو ګډو زده کړو قوماندان مولوي نصیب الله مدني د ۲۲۱ شهید افتاب رح د فرقې مرستیال مولوي عبدالله سعد او ګڼ شمېر مسولینو پکې ګډون کړی وو.
د ۲۲۱ شهید افتاب (رح) فرقې مرستیال مولوي عبدالله سعد پخپله وینا کې ویلي؛ د خپلو وړتیاوو څخه په سمه توګه استفاده وکړئ، د اسلامي نظام د دښمنانو په ځپلو کې ستاسو ګړنې د ستایلو دي.
همداراز نوموړي د معسکر استادانو د کړنو او فعالیتونو څخه هم په ځانګړي توګه مننه کړې ده.
په پای کې د فارغانو له لوري خپل پوځي، تکتیکي، سپورتي او نظامي نمايشات وړاندې شوي دي.