د کرېکټ نړیوالې شورا له لوري د ۲۰۲۵ کال چمپنیز ټرافي سیالیو مهالوېش اعلان شو.
دا سیالۍ د پاکستان او متحده عربي اماراتو په ګډ کوربهتوب ترسره کیږي، چې د ۲۰۲۵ کال د فبروري میاشتې پر ۱۹مه نېټه به پیل او د مارچ تر ۹مې به دوام وکړي.
یادې لوبې په اې او بي ګروپونو کې ترتیب شوې، چې په اې ګروپ کې کوربه پاکستان، هندوستان، نیوزلینډ او بنګلهدېش او په بي ګروب کې افغانستان، اسټرالیا، سویلي افریقا او انګلستان ځای لري.
په دې ټورنمېنټ کې ټولې ۱۵ لوبې شاملې دي، چې هره لوبه یې د افغانستان پر وخت ماسپښین یوه بجه پیلېږي.
افغانستان به په خپله لومړۍ لوبه کې د فبروري میاشتې پر ۲۱مه نېټه له سویلي افریقا سره مخ شي.
افغان کرېکټ ملي لوبډله به بیا د فبروري پر ۲۶ له انګلستان لوبډلې سره د سیالۍ ډګر ته ښکته شي او د همدې میاشتې پر ۲۸مه به بیا له اسټرالیا سره سیالي وکړي.
یادې لوبې په دوو ګروپونو کې ترتیب شوې، چې نیمهپایلوبې به یې د مارچ په ۴مه او ۵مه ترسره شي.
د چمپینز ټرافي پایلوبه به بیا د مارچ پر ۹مه په لاهور/دوبی کې وشي.