د ننګرهار ولایت د کډوالو او راستنېدونکو چارو رییس باز محمد عبدالرحمن تېره ورځ (د وری میاشتې په ۱۹ مه) نېټه د تورخم څخه لیدنه کړې، ترڅو د راستنېدونکو کډوالو وروستي وضعیت وارزوي.
نوموړي په خپل سفر کې د انډمهالي مېشت غالي او د ملي او نړیوالو مرستندویه ادارو چارې له نږدې څارلې دي.
باز محمد عبدالرحمن اړوندو کارکوونکو ته د راستنېدونکو لپاره په ځانګړې پاملرنې ټینګار کړی او په چارو کې د ځنډ د مخنوي لپاره یې اړینې لارښوونې وکړې.
نوموړي همداراز زیاته کړې، چې ټولو راستنېدونکو هېوادوالو ته به اړینې اسانتیاوې برابرې شي او د مرستې د ترلاسه کولو وروسته به خپلو سیمو ته ولیږدول شي.