د امریکا د دفاع وزارت (پنتاګون) یوه چارواکي د فرانسې له خبري اژانس سره په خبرو کې، په بګرام هوایي ډګر کې د یوې امریکایي الوتکې د ناستې ادعاوې رد کړې او له حقیقت څخه یې لرې بللې دي.
یاد چارواکي ټینګار کړی، چې متحده ایالات په بګرام کې هیڅ ډول نظامي حضور نه لري.
تر دې وړاندې د اسلامي امارت ویاند، مولوي ذبیحالله مجاهد هم د بګرام هوایي ډګر کې د امریکایي الوتکې د ناستې ادعاوې رد کړې وې، او ټینګار یې کړی و، چې افغانستان ته د امریکایي پوځیانو راتګ ناشونی دی.