د افغانستان اسلامي امارت د رياست الوزرا اداري مرستيال مولوي عبدالسلام حنفي په مشرۍ او د ياد کمېسيون د غړو په ګډون، د اداري کمېسيون غونډه ترسره شوې.
په دې غونډه کې ټاکل شويو کمېټو، د خپلو ورسپارل شويو کړنو او فعالیتونو راپورونه وړاندې کړي.
وروسته د ترانسپورټ او هوايي چلند، د چارو ادارې عمومي رياست، د ازموينو ملي ادارې او همداراز د امارتي ادارو د ملکيتونو او د کابل ولايت د سروبي ولسوالۍ د ښاروالۍ لخوا د يادې ولسوالۍ د ماسټر پلان د پلي کېدو پر څرنګوالي خبرې او هر اړخيزه ارزونه شوې.
په پای کې، د يادو موضوعاتو په اړه لازم تصميمونه نیول شوي دي.