د عدلیې وزیر شیخ عبدالحکیم شرعي نن (شنبه، د غويي۲۷مه) د سن پټرزبرګ نړیوال حقوقي فورم په ۱۳مه غونډه کې د ګډون په موخه روسیې ته سفر وکړ.
د عدلیې وزارت وايي، چې ښاغلی شرعي به یاده غونډه کې د قوانینو پر څرنګوالي، نړیوالو قوانینو کې د اصلاح پر اړتیا، د عدالت پر تامین او د نړیوال تعامل په برخه کې د اسلامي امارت پر دریځ خبرې وکړي.
د یاد وزارت په وینا؛ په دې غونډه کې به د هېوادونو د عدلیې وزیران، قضايي او حقوقي چارواکي ګډون وکړي.
دغه درې ورځنۍ غونډه د روانې اوونۍ د دوشنبې پر ورځ پیلېږي.