د پوهنتون استاد رومان شېرزاد وايي، د زمري پر ۲۴مه د افغانستان فتحه ځکه لویه وه، چې د نړۍ زبرځواکونه پکې په ګونډو شول.
همدارنګه دا فتحه د ټولو افغانانو او مسلمه امت فتحه ده.
نوموړی زیاتوي، چې اسلامي امارت له فتحې وروسته په ډېر تدبیر او ذکاوت سره هېواد کنټرول کړ او د ډېرو بوږنوونکو پېښو او شخصي انتقامونو مخه یې ونیوله.
د ښاغلي شیرزاد په خبره، دښمن غوښتل چې موږ په کورنیو جګړو واړوي، خو د الله په نصرت او له یوه امیر څخه د مجاهدینو په اطاعت سره د ټولو دسیسو مخه ونیول شوه.
هغه وايي، اسلامي امارت کابل ته له ننوتو وړاندې عمومي بښنه اعلان کړه، چې پر بنسټ یې د دښمن د ډېرو توطیو مخنیوی وشو.