د افغانستان اسلامي امارت نږدې څلور کاله وړاندې د ۱۴۰۰ لمریز کال د اسد پر ۲۴مه په هېواد کې غربي اشغال ته د پای ټکی کېښود او د یوه خپلواک اسلامي نظام بنسټ یې کېښود.
افغانان د اسلامي امارت پر بیا واکمنېدو خوښ دي او وايي، چې له شل کلن اشغال وروسته یې د ارام ساه اخیستې ده.
د غزني اوسېدونکی عبدالرحمن وایي، چې د اسلامي امارت له بیا واکمنېدو وروسته خلکو ته د هوسا ژوند زمینه برابره شوې ده.
نوموړی زیاتوي، چې خلک په پوره ډاډ له وېرې پرته خپلو ورځنیو چارو ته دوام ورکوي.
د فخر الدین په نوم د غزني بل اوسېدونکی د اسلامي امارت په بیا واکمنېدو سره خوښ دی او وايي، چې امنیت حاکم شوی او په بشپړ سوله کې ژوند کوي.
د پوهنتون استاد پوهنیار عبدالبصیر عابد د زمري د ۲۴مې خپلواکي د اسلامي امارت د مجاهدینو د قربانیو پایله بولي.
د افغانستان اسلامي امارت مجاهدینو له نن څخه څلور کاله وړاندې په همدې ورځ (۱۴۰۰/۵/۱۹) د الفتح عملیاتو په لړ کې فراه او د بغلان مرکز پلخمري فتحه کړل.
د فتحې لړۍ لومړی د ۱۴۰۰ کال د زمري پر ۱۵مه له نیمروز څخه پیل شوه او ډېر ژر نورو ولایتونو ته هم ورسېده. د زمري پر ۲۴مه کابل فتحه شو او په هېواد کې یو ځل بیا خپلواک او شرعي نظام حاکم شو.
د یادونې وړ ده، چې پینځه ورځې وروسته د زمري ۲۴مه د خپلواکۍ، له اشغال څخه د خلاصون او د لویې بریا ورځ په ټول هېواد کې په شانداره مراسمو نمانځل کېږي.