د اسلامي امارت مجاهدینو له نن څخه څلور کاله وړاندې په همدې ورځ (۵/۲۰/ ۱۴۰۰) د الفتح عملیاتو په لړ کې د بدخشان ولایت مرکز فیضاباد فتحه کړ.
د فتحې دا لړۍ د زمري پر ۱۵مه له نیمروز څخه پیل شوې وه، چې په چټکۍ سره د هېواد نورو ولایتونو ته هم وغځېده.
یوه ورځ وړاندې د اسلامي امارت مجاهدینو (۱۴۰۰/۵/۱۹) فراه او د بغلان مرکز پلخمري فتحه کړل.
د زمري د ۱۹مې په پای او د ۲۰مې په پیل کې د بدخشان مرکز فیض اباد فتحه شو. په شلمه مجاهدین په ښار کې ځای پر ځای شول او د ټول ولایت کنټرول یې ترلاسه کړ.
هېوادوال وايي، چې د اسلامي امارت له بیا واکمنېدو وروسته بشپړ امنیت تامین شوی او ګڼې پروژې پیل او پلې شوې دي.
د فتحې لړۍ په چټکۍ سره تر نورو ولایتونو هم ورسېده، چې د ۱۴۰۰ کال د زمري پر ۲۴مه کابل فتحه شو او په هېواد کې یو ځل بیا خپلواک او شرعي نظام حاکم شو.
د هېواد د خپلواکۍ په لاره کې د اسلامي امارت د مجاهدینو سرښندنې او اتلولۍ زموږ د زرین تاریخ یو نوی باب دی، چې د امریکا شل کلن اشغال ته یې د پای ټکی کېښود او په هېواد کې یې خپلواک شرعي نظام حاکم کړ.