د چارو ادارې لوی رییس شیخ نورالحق انور د هېواد د خپلواکۍ د ۱۰۶مې کلیزې د نمانځنې په مراسمو کې ویلي، افغانان باید داسې لاره غوره کړي، چې اشغالګر بیا هېڅ دې هېواد ته د راتګ اراده ونه کړي.
نوموړي زیاته کړې، په تېره یوه پېړۍ کې افغانستان درې ځلې اشغال شوی او د مخنیوي لپاره یې باید افغانان فکري یووالی، تعلیم او قوي اراده ولري.
د ښاغلي انور په وینا، افغانانو په یوه پیړۍ کې درېيو سترو امپراطوریو ته ماتې ورکړې، ځوان نسل باید د اشغالګرو د ماتې ورځې په ویاړ سره ونمانځي او د ترلاسه شوې خپلواکۍ ساتنه وکړي.
د چارو ادارې لوی رییس د ازادۍ پر ساتلو ټینګار کړی او ویلي یې دي، چې د خپلواکۍ ساتلو لپاره باید ذهنیوتونه جوړ شي.