د افغانستان په چارو کې د امریکا پخواني ځانګړي استازي زلمي خلیلزاد د افغانستان د خپلواکۍ ۱۰۶ کالیزي په مناسبت مبارکي ویلې.
نوموړي په خپله اېکس پاڼه لیکلي، افغانستان له لسیزو جګړو وروسته اوس زیات امن دی او د نشه یي توکو پر ضد مبارزه کې پرمختګ شوی او پر مهمو بنسټیزو پروژو هم کار روان دی.
نوموړي د افغانستان د تېرې ادارې سیاسیونو ته په اشارې ویلي، پخوانيو مشرانو او واکمنانو د تېرو ۲۰ کلونو له سترو فرصتونو ګټه وانخیسته او اوس هڅه کوي، خپلې تېروتنې بیا تکرار او پخوانۍ ګټې بېرته ترلاسه کړي.
ښاغلي خلیلزاد دا څرګندونې په داسې مهال کړې، چې د راپورونو له مخې د تېرې ادارې یو شمېر چارواکي د پاکستان د حکومت په غوښتنه هلته راټولیږي.