د ملګرو ملتونو د بېړنیو مرستو همغږي کوونکي ټام فلیچر ویلي، چې د ژمي په را نږدې کېدو سره غزه کې د مرستو د زیاتوالي لپاره د دې سازمان د بېړني غبرګون له صندوق څخه ۱۱ میلیونه ډالره اضافي بودیجه ځانګړې شوې ده.
نوموړي پر خپله اېکس پاڼه لیکلي، په دې سره د ملګرو ملتونو له لوري د غزې لپاره ځانګړې شوې بودیجه ۲۰ میلیونه ډالرو ته رسېدلې ده.
د نوموړي په وینا، دغه اندازه پیسې به په غزه کې د خوړو، اوبو، سرپناه او روغتیایي خدمتونو برابرولو او د اړینو بنسټیزو فعالیتونو د دوام لپاره ولګول شي.
ټام فلیچر له اوربند وروسته ژمي ته د فلسطینیانو د چمتووالي په موخه د بشري مرستو پر زیاتوالي ټینګار کړی دی.