په قزاقستان کې د افغانستان د سفارت شارژدافیر مفتي محمدالرحمن په دغه هېواد کې د ترکمنستان له سفیر باتیر رجپوف سره وکتل.
په قزاقستان کې د افغانستان سفارت وايي، چې دې کتنه کې د دواړو هېوادونو ترمنځ د دوه اړخیزو سیاسي، اقتصادي او سوداګریزو اړیکو سربېره، د ګډو پروژو د پراختیا پر فرصتونو خبرې شوې دي.
دغه راز دواړو لورو د اړیکو د لاپیاوړتیا او پراختيا لپاره د ګډو همکاريو پر دوام ټينګار کړی دی.