د اسلامي امارت مرستیال ویاند ملا حمدالله فطرت وایي، چې تېر کال بزګرانو، مالدارانو او خصوصي سکتور ته نږدې دوه میلیارده افغانۍ اسلامي مالي تمویل ورکړل شوی.
د نوموړي په وینا، دغه اندازه پیسې د کرنې د پراختیا وجهي صندوق له لوري د مرابحې او مضاربت خدمتونو له لارې هېواد کې د کرنې او مالدارۍ د ودې په موخه ورکړل شوي.
ښاغلي فطرت دغه راز ویلي، چې په روان لمریز کال کې هرات، تخار، کندوز او بغلان ولایتونو کې د ۵۰۰ میلیونه افغانیو په ارزښت ۲۱ زره او ۴۰۰ مټریک ټنه غنم له بزګرانو پېرل شوي او په سېلوګانو کې زېرمه شوي دي.