د ایران د بهرنیو چارو وزیر سید عباس عراقچي له خپل پاکستاني سیال محمد اسحاق ډار سره د سیمې د بدلونونو او د ایران او امریکا د اوربند په اړه خبرې کړې دي.
دغو خبرو کې عراقچي د ایران د بندرونو سواحلو او کښتيو ګواښول، د ګواښ ډکې څرګندونې، نامعقولې غوښتنې او پرلهپسې متناقضې خبرې د امریکا د بد نیت او په ډیپلوماسۍ کې د نه جديت څرګندې نښې بللي.
ښاغلي عراقچي دغه راز ویلي، چې ایران به د خپلو ملي ګټو او ملي امنیت د ساتنې لپاره له خپلو ټولو ظرفیتونو څخه کار واخلي.