حزبالله وایي، چې د تېرو ۲۴ ساعتونو پر مهال یې د لبنان د سویل په بېلابېلو سیمو کې د اشغالګر اسرائیلي پوځ پر وړاندې ۱۱ عملیات تر سره کړي.
الجزیرې خبري شبکې د حزبالله له قوله ویلي، چې په دې عملیاتو کې بېپیلوټه الوتکې، راکیټونه او توپونه کارول شوي، خو اسرائیلي پوځ ته د اوښتو زیانونو په تړاو یې څه نه دي ویلي.
حزبالله ویلي، چې دغه عملیات یې د لبنان د بېګناه خلکو د دفاع په موخه کړي، چې د امریکا په منځګړیتوب د شوي اوربند سربېره د اسرائیلي رژیم د پرلپسې بریدونو لاندې دي.