ایران ته د افغان کډوالو ورزشکارانو د ستونزو او اختلافاتو د حل او ورزش د پراختیا په موخه د الميیک ملي کمیټې او سپورټ ریاست درې کسیز هیئت له ورزشکارانو سره د ناستو پر دوام، د یاد هېواد په سمنان ولایت کې د اووه ورزشي رشتو له مسولینو او مخکښو ورزشکارانو سره ناسته کړې او د هغوی ستونزې او غوښتنې یې اوریدلي دي.
په دې ناسته د ورزشکارانو د شته ستونزو او اختلافاتو په اړه د هغوی نظرونه او وړاندېزونه اوریدلي او د ورزش ادارې د هیئت له لوري د ورزش د رهبرۍ په استازيتوب یې ډاډ ورکړی، چې د دوی یادې ستونزې او غوښتنې به تر راټولولو وروسته د ورزش ادارې له رهبري سره شریکې کړي.
په دې غونډه کې افغان کډوال ورزشکاران یووالي ته رابللي او زیاته کړې یې ده، چې ټول به په ګډه د یو واحد نظام تر چتر لاندې د هېواد پرمختګ لپاره کار کوو.