ناسته کې د افغانستان او چين دوو اړخيزو اړيکو کې پر وروستيو پرمختګونو، په ځانګړې ډول ټرانس هماليا فورم کې د بهرنيو چارو سرپرست وزير ګډون، د دواړو بهرنيو چارو وزيرانو ليدنه او بيجينګ کې د افغانستان د لوی سفير د کار پيل او په افغانستان کې د چين د پانګونو په باب هر اړخيزې خبرې وشوې.
مولوي امير خان متقي ویلي، په بيجينګ کې د اسلامي امارت د سفير د کار پيل يو مهم پرمختګ دی او په نړيوالو فورمونو کې يې د چين د مثبت دريځ ستاينه کړې.
د بهرنيو چارو سرپرست وزير ټينګار کړی، چې د عينک مسو پروژې باندې عملي کار پيل شي او په دې اړه يې ډاډ ورکړی، چې د افغانستان اړوندې ادارې پوره چمتووالی لري.
ښاغلي متقي ویلي، دواړه لوري بايد پر هغو لارو چارو کار وکړي، چې چين ته د افغانستان صادرات زياتوي.
د چين استازي ویلي؛ هېواد يې د افغانستان خپلواکۍ ته درناوی لري او هېڅکله به د افغانستان په کورنيو چارو کې لاسوهنه ونه کړي.
نوموړي زیاته کړې؛ چې چين له افغانستان څخه پر واردېدونکو توکو ګمرکي تعرفه تر ډېره له منځه وړې، ترڅو د دواړو هېوادونو ترمنځ سوداګري وده وکړي.
د چين ځانګړي استازي ټينګار کړی، چې د عينک مسو پروژې د کار عملي پيل په تړاو د دواړو هېوادونو اړونده ادارې لا زیات کار وکړي.
دواړو لوريو د اړیکو په پراختیا، د تجارت په زیاتوالي او سیاسي برخو کي په لازیاتي همکاري ټینګار کړی.