د روسیې ولسمشریزې ټاکنې، چې تېره ورځ پیل شوې او تر سبا (یک شنبې) به دوام وکړي او تر دا مهاله په کې یواځې ۳۱ سلنه روسانو خپله رایه کارولې.
د یادو ټاکنو لومړنۍ پایلې یې ښيي، چې اوسنی ولسمشر ویلادیمیر پوتین تر ټولو مخکښ دی او تمه ده، چې نوموړی به بیا ځلې د روسیې ولسمشر وټاکل شي.
دا ولسشمریزې ټاکنې په هغو سیمو کې هم روانې دي، چې په تېرو دوه کلونو کې له اوکراین څخه نیول شوې او روسیې فدراسیون پورې تړل شوې دي.
که په روانو ټاکنو کې پوتین بریالی شي، نو نوموړی به د پینځم ځل لپاره تر ۲۰۳۰ زیږدیز کال پورې د کرېملېن ماڼۍ واک له ځان سره ولري او دې سره به د درې لسیزو لپاره د روسیې واکمن پاتې شي.