د ملي دفاع وزارت ویلي؛ د حضرت ابوعبیده بن جراح ملي دفاع پوهنتون د حضرت اسامه بن زید ځوان افسرانو اکاډمۍ د تهدابي کورس له لومړۍ دورې څخه ۱۶۷ سرتېري د شپږ میاشتنیو زده کړو څخه وروسته د یولړ مراسمو په ترڅ کې فارغ شول.
دغو مراسمو کې د تعلیماتو اوپرسونل مرستیال مولوي بازمحمد حمیديد یاد پوهنتون قوماندان مولوي محمد هاشم حذیفه او ګڼ شمېر مسولینو او منسوبین ګډون کړی وو.
مسولینو فارغانو ته د مبارکۍ ترڅنګ ویلي؛ کوم کارونه چې الله ج راته د کولو امر کړی هغه کارونه به کوو او کوم کارونو نه چې الله ج ترې منعه کړي یو له هغو څخه به پرهیز کوو، خپلو کړنو ته متوجې اوسئ به هر کار کې خدای ج حاضر وګڼۍ کوشش وکړئ، چې چاته ضرر ونه رسوئ.
یاد مراسم فارغانو ته د برۍ لیکونو په ورکولو او دعایې ویلو سره پای ته ورسېدل.