د بهرنیو چارو وزارت مرستیال ویاند حافظ ضیا احمد تکل وايي؛ د بهرنیو چارو وزير مولوي امير خان متقي د اسلامي همکاریو سازمان د بهرنیو چارو وزیرانو په ۵۰ ناسته کې د ګډون په موخه د کاميرون جمهوريت پلازمېنې ياوندي ته رسمي سفر وکړ.
نوموړی زیاتوي؛ په پام کې ده چې د بهرنیو چارو وزیر به په دغه دوه ورځنۍ غونډه کې، چې د روانې اګسټ میاشتې له ۲۹ تر ۳۰ ترسره کېږي، د ګډون تر څنګ د کوربه هېواد او د اسلامي همکاریو سازمان د ځینو غړو هېوادونو د بهرنيو چارو له وزیرانو او استازو سره دوه اړخیزې ناستې هم ولري.