د کور او ښار جوړولو وزارت ویلي، په بغلان ولایت کې د سوداګریز ښارګوټي لپاره ځمکه تثبیت او کروکي یې ترتیب شوه.
د بغلان ولایت د کور او ښار جوړولو رییس مولوي محمد داود نقشبندي ویلي، د دې ریاست د انجنیرانو لخوا د سوداګریز ښار ګوټي لپاره ځمکه تثبیت او کروکي یې ترتیب شوه.
ښاغلي مولوي نقشبندي زیاته کړې، یاد سوداګریز ښار ګوټی د دوشي ولسوالۍ په کیله ګۍ ساحه کې په حدود د ۵۶۳ امارتي ځمکه کې جوړیږي، چې د دې ښار ګوټي د نظارت مسولیت د کور او ښار جوړولو ریاست په غاړه دی.
د کور او ښار جوړولو وزارت د ادارو په غوښتنه د پروژو د پلي کېدو لپاره ځمکه تثبیتوي، سکیچ او کروکي یې ترتیبوي، تر څو پروژې د پلان او نقشې اړوند ترسره شي.