د ریاست الوزرا سیاسي مرستیال مولوي عبدالکبیر له یو شمېر اهل تشیع مشرانو سره لیدنه کړې.
په دې لیدنه کې د اهل تشیع مشرانو ویلي، د امنیتي ادارو له همکارۍ څخه خوښ دي او هر راز همکارۍ ته چمتو دي.
دوی زیاته کړې، په تېرو دریو کلونو کې د اسلامي امارت د ځانګړې پاملرنې له امله د اهل تشیع وګړو ډېرې ستونزې حل شوې دي.
یادو مشرانو همداراز د یو شمېر نورو موضوعاتو په اړه هم خپل نظرونه د ریاست الوزرا سیاسي مرستیال سره شریک کړي دي.
مولوي عبدالکبیر یادو قومي مشرانو ته د ښه راغلاست ترڅنګ ویلي، اسلامي امارت ټولو افغانانو ته په یوه سترګه ګوري او د هغوی د ستونزو حل ته لومړیتوب ورکوي.